គោលការណ៍នៃការផ្តល់ឥណទាន

ដោយសារការផ្តល់ឥណទានមានការសងត្រឡប់មកវិញទាំងដើម ទាំងការ ហេតុនេះទើបតម្រូវឲ្យគេបង្កើតនូវគោលការណ៍ដើម្បីធានាសុវត្ថិភាពទុននិងទ្រព្យសម្បត្តិរបស់ម្ចាស់បំណុលកុំឲ្យប្រឈមនិងហានិភ័យខ្ពស់ ។ គោលការណ៍នៃឥណទានមាន៣សំខាន់ៗ ៖

គោលការណ៍ឲ្យខ្ចីមានគោលដៅ
គោលការណ៍ឲ្យខ្ចីដោយសងទាំងដើមទាំងការ
គោលការណ៍ឲ្យខ្ចីដោយមានការធានា

គោលការណ៍ឲ្យខ្ចីមានគោលដៅ

គោលការណ៍នេះ គឺតម្រូវឲ្យបុគ្គល គ្រួសារឬអាជីវកម្មដែលមានតម្រូវការត្រូវរៀបរាប់ពីគោលបំណងទៅកាន់គ្រឹះស្ថានឥណទានតាមរយៈការធ្វើពាក្យសុំ ដោយបញ្ជាក់ឲ្យបានច្បាស់លាស់ពីគោលដៅ និងផែនការនៃការប្រើប្រាស់ឥណទាន ទំហំទឹកប្រាក់ និងរយៈពេលសងត្រឡប់ ។

2. គោលការណ៍ឲ្យខ្ចីដោយសងទាំងដើមទាំងការ

នេះជាគោលការណ៍សំខាន់បំផុតសំរាប់ឥណទាន ដោយគោលការណ៍ នេះបង្ខំឲ្យអ្នកខ្ចីត្រូវគិតគូរពីការប្រើប្រាស់ទុនឲ្យមានប្រសិទ្ធភាពខ្ពស់ ដើម្បីជំរុញអាជីវកម្មរបស់ខ្លួនឆាប់ទទួល បានផលចំណេញទើបអាចមានលទ្ធភាពសងបំណុលទាំងដើមទាំងការបាន ។

3. គោលការណ៍ឲ្យខ្ចីដោយមានការធានា

គោលការណ៍នេះតម្រូវឲ្យអ្នកខ្ចីត្រូវមានទ្រព្យសម្បត្តិ ដើម្បីដាក់ធានា ដែលមានតំលៃអាចទូទាត់បានមុននិងទទួលប្រាក់កម្ចី ឬត្រូវមានភាគីទី៣ធានាចេញមុខសងជំនួសនៅពេលភាគីខ្ចីខកខានមិនបានសង ។ ការអនុវត្តគោលការណ៍នេះ បង្កលក្ខណៈឲ្យបានសមស្របរវាងប្រាក់ដែលឲ្យខ្ចី និងតំលៃទ្រព្យដែលដាក់ធានា ។

ទាញយកឯកសារពេញ Full Download