និយមន័យឥណទាន

ឥណទានមានន័យថា (ឥណៈ + ទានៈ ) ៖

@ ឥណៈ ការជំពាក់របស់នរណាមួយ ។

@ ទានៈ ការផ្តល់ ឬអោយជាវត្ថុ ទ្រព្យទៅនរណាមួយ ។

ឥណទាន ជាការផ្តល់នូវចលនទ្រព្យឬអចលទ្រព្យ អោយទៅអ្នកមានតម្រូវការលើទ្រព្យទាំងនោះ ដោយតម្រូវអោយសងវិញតាមលក្ខខ័ណ្ឌមួយច្បាស់លាស់ ។

ឥណទាន(Credit) ត្រូវបានគេកំណត់ន័យដូចខាងក្រោម៖

- ឥណទាន គឺជាការអោយអតិថិជនខ្ចីប្រាក់ ដើម្បីបំពេញសេចក្តីត្រូវការផ្សេងៗរបស់ពួកគេ ហើយអតិថិជនមានកាតព្វកិច្ចសងត្រលប់មកវិញនូវប្រាក់ដើម, ការប្រាក់, និងបន្ទុកហិរញ្ញវត្ថុផ្សេងៗទៀត។

- ឥណទាន គឺជាមធ្យោបាយដោះដូរជាមួយនឹងការទទួលយក ដោយមានដែនកំណត់ ។

- ឥណទាន គឺជាការសន្យាសងនៅពេលអនាគត ក្នុងគោលបំណងដើម្បីទិញជំពាក់ ឬសុំខ្ចីនៅពេលបច្ចុប្បន្ន។

កត្តា៣យ៉ាងដែលជាលក្ខណៈឥណទានគឺ ពេលវេលា (TIME) ការទុកចិត្ត (CONFIDENCE) និង ហានិភ័យ (RISK) ។ការប្រតិបត្តិការឥណទានគឺជាការប្រតិបត្តិការទាំងឡាយណាដែលធ្វើឡើងរវាងម្ចាស់បំណុល និងកូនបំណុល ដែលក្នុងនោះត្រូវមានកាតព្វកិច្ចសងទាំងដើម ទាំងការទៅម្ចាស់បំណុលទៅតាមការកំណត់ច្បាស់លាស់ ។

ទាញយកឯកសារពេញ Full Download